濒危物种资源中心

媽媽自小響長沙灣長大，但有一個展覽中心一直都未去過，適逢約咗豬仔包舅父舅母食飯，就順道帶埋豬仔包參觀一下。
因為中心一星期只有一天開放比公眾參觀，媽媽同豬仔包放咗學就九秒九衝去💨💨💨
中心在2001年5月已經開幕，目的是提高公眾對保護瀕危物種意識。
我哋由職員帶領進入展覽室，地方不大，一入門口就見到一隻栩栩如生嘅老虎🐯，原來係真虎標本嚟，難怪咁像真。
再行入啲就見到分咗不同主題嘅展覽區，豬仔包第一個睇嘅就係關於食物嘅展區，展區裡面有數款食物模型～例如龜苓膏、蛇羹等等，我哋可以估吓係用邊種瀕危動物製成，估完按燈就會知道自己有冇答岩。全部食物豬仔包都未食過，所以佢覺得好新奇。
響左手邊係關於寵物嘅展區，裡面全部都係活生生架，我哋一路過，仲嚇親隻綠鬛蜥添，唔知係咪中心重新開放不久，少接觸人呢。
另一個吸引豬仔包嘅就係植物展區，按動展示板上的按鈕就會亮燈，找到相應植物。由於只有媽媽同豬仔包兩人參觀，所以豬仔包玩得好自在。
時間過得好快，未深入了解就已經到咗閉館時間，臨走見到有小冊子可以索取，媽媽可以攞番屋企慢慢睇，了解更多。
《漁農自然護理署瀕危物種資源中心》
📮地址：長沙灣政府合署六樓漁農自然護理署總部
🚌交通：深水埗港鐵站C2出口，向長沙灣方向行約5分鐘
⏰個別人士開放時間：星期五下午2時至5時45分 （公眾假期除外）
💲費用全免
☎️：2150 6979 / 2150 6974
🐽🐽🐽🐽🐽🐽🐽🐽🐽🐽🐽🐽🐽🐽