单车馆儿童游戏室

豬仔包讀下午班幼稚園，紅雨關係不用上課，鍾意周圍去嘅媽媽又點會乖乖留響屋企🤣
我哋食飽飽午餐就向住我哋嘅目標「香港單車館」出發💨💨💨
豬仔包同學住附近，我哋試過星期日一齊去，早到超過30分鐘都排唔到，非常多人。適逢紅雨，再加上係平日，去到時我哋唔駛排就可以入去玩，yeah😛
香港單車館兒童遊戲室以極限運動為主題，場內有車軚造型嘅梳化，儲物架，小滑梯，仲有大大架吉普車，岩哂鍾意車車🚗嘅豬仔包😍
最吸引媽媽嘅係兩條長形嘅平衡橋，次次去兒童遊戲室都要自己砌，今次不用砌仲有兩款添。豬仔包第一次係慢慢行，不過第二次已經用跑，仲話自己快到媽媽都影唔切相就行完🤣🤣🤣
豬仔包玩得最耐嘅係超順滑大滑梯，非常濶，夠幾個小朋友一齊滑，就算向上爬都唔驚阻住或撞到👍🏻
豬仔包用咗好多不同姿勢滑落嚟，非常興奮。之後爬上去開頭好吃力，爬多幾次就快咗好多，仲有大哥哥見佢爬得太慢，幫手扶佢上去添，好有愛🥰
不過媽媽好驚訝嘅係有個行平路都震吓震吓嘅BB，竟然可以企響度慢慢行到上頂，完全好輕鬆，媽媽即刻叫豬仔包試吓，可能舒服過爬喎，可惜豬仔包完全冇理媽媽🤷🏻‍♀️
場地非常濶落，由於得幾個小朋友，豬仔包連坐嘅長梳化都玩埋，響上面施風式走來走去，自我放電⚡️⚡️⚡️
不經不覺45分鐘就過去了，係時候要講bye bye，不過見到好少人排隊，媽媽心諗究竟玩唔玩多一節呢，就響呢個時候豬仔包同媽媽講想去多一個未去過嘅兒童遊戲室玩。
好啦好啦，難得唔駛排隊，一於玩盡佢啦💪🏻💪🏻💪🏻臨走去埋場內嘅兒童洗手間，我哋就再次出發啦💨💨💨

又去玩嚕！今次我們又來了康文署的兒童遊戲室玩喔～

位於將軍澳香港單車館的兒童遊戲室面約286平方米，是康文署第六大的兒童遊戲室，遊戲室以極限運動有關為主題，孩子們不妨一起來挑戰極限運動，盡情地來「放放電」吧～

交通：西鐵坑口站B2出口步行15分鐘／西鐵將軍澳站A出口步行15分鐘 (或請按如何前往)

入場限制：4-9歲及身高不超過142厘米的兒童；

年齡在4歲以下的兒童必須由家長或監護人在內陪同

Playroom幾好玩, 岩1~6歲小朋友夜電但要記得至少早15分鐘去到, 好多人

帶兩歲小朋友去遊戲室玩 地方夠大 遊戲室的設計亦配合單車館 以車為主題 地及遊戲設施以軟膠包著 小孩不易受傷