觀塘茶果嶺海濱公園 (觀塘海濱長廊旁)

要帶泳褲同防曬去玩嘅新海濱公園🔥

之前搭車經觀塘繞道見到有大型遊樂設施嘅茶果嶺海濱公園終於開幕啦！呢個位於茶果嶺海旁嘅公園全園佔地大約1.8公頃，以「好玩自然」為主題，園入面分咗5大遊戲區，包含大地、陽光同天空等嘅自然元素，遊樂設施超過60組，除咗設有多款滑梯、鞦韆等一般兒童遊樂設施外，園內仲有一個俾小朋友玩水嘅區域，非常適合炎炎夏日帶小朋友嚟放電，不過家長要有心理準備玩完之後會黑咗幾度呀。😆

茶果嶺海濱公園
地址：茶果嶺偉樂街西北面
交通：觀塘渡輪碼頭步行約5分鐘、觀塘港鐵站B1出口步行約13分鐘或藍田港鐵站D1出口步行約15分鐘

開幕第二天我哋就去咗朝聖喇！ 位於 #茶果嶺 嘅海濱公園終於尋日開放比公眾，今日我哋即刻去朝聖！

新公園非常寬敞，遊樂設施都好有新鮮感，有鞦韆、渠管迷宮和樹屋等等，再加上又玩水嘅地方（想玩水嘅時候記得帶多套衫更換，不過個人覺得適合年紀細啲嘅小朋友） 所以今日開幕第日就已經好多人。

我哋今日5:30左右去到，仲可以無遮擋咁欣賞好靚嘅 #維港 #日落 景色👍🏻

觀塘茶果嶺海濱公園. 觀塘海濱公園. 八米高繩網陣.三層樓高旋轉滑梯.海濱空間.園景平台.維港零死角打卡位