荃湾广场 PLAY GARDEN 空中乐园

《人山人海空中樂園～PLAY GARDEN》
荃灣真係好多親子玩樂好去處，響Tsuen Wan Plaza 荃灣廣場L5 嘅PLAY GARDEN空中樂園，我哋響9月尾開幕時其實已去過一次，當時係可以用迫爆去形容💥，媽媽完全唔敢比豬仔包去玩高滑梯，因為驚比大小朋友淹沒🤣
今次適逢聖誕假期，又可以帶豬仔包去遠啲玩，於是我哋又再去多次，特意㨂咗一個平日嘅下午去，希望避開假日嘅人潮💨💨💨
不過去到媽媽都嚇咗一跳，就算係平日，遊樂場依然係人山人海，玩鞦韆仲大排長龍添😅
呢個戶外公園佔地逾3萬呎，以彩虹🌈同雲朵☁️做主題，共分為3️⃣大區域
❤️空中彩虹遊玩區🌈
🧡雲下休閒區☁️
💛期間限定主題打卡區📸
最吸引豬仔包當然係遊玩區「 #空中彩虹 🌈」，有8米高彩虹晴空塔同分別4.8米高同3.3米高嘅彩虹秒速滑梯🛝，完全係訓練膽量，非常刺激😆。雖然每玩一次都要排隊湧上去，有時仲比小朋友淹沒，但豬仔包依然係玩唔停，仲用唔同方法上橋，所以每玩一次都有不同新鮮感🤣
行過啲係鞦韆區，由於太多人排隊，我哋直接跳過🤣
響隔離就係「 #雲兒城堡 🏰」，呢個區域有兩道吊橋，非常考驗小朋友嘅平衡力😊。豬仔包一邊玩，一邊嗌，真係名乎其實「又要驚又要玩」🤣
嗌完一輪，我哋就轉戰「 #雲上山丘 🏔」呢一區可以訓練小朋友手腳協調，不過媽媽最心驚膽戰就係呢區，因為豬仔包爬上爬落，去到山丘頂想排隊玩滑梯，經常都比大年紀小朋友推開搶先玩，差少少就比人推落山丘，媽媽真係嚇破膽😖
響重重小山丘末端，有一個跳彈床位，但又係大排長龍，仲要係個個小朋友都係響個山丘頂度排隊🤦🏻‍♀️。媽媽真係心血少，驚豬仔包比人唔小心推落山丘，不斷勸籲豬仔包下次小人啲先再玩過😖。
玩完一輪，係時候抖抖😮‍💨，雲下休閒區☁️可以比大家坐低好好休息一下，場內仲有部自助飲水機，自備容器就可以裝水飲，鼓勵減少用塑膠樽裝水，響休息期間，豬仔包仲發現響環保展覽見過嘅太陽能☀️風車添，公園設施真係非常環保♻️，值得一讚👍🏻
休息過後，豬仔包繼續放電⚡️，由原先打算玩1️⃣個鐘，最後玩咗2️⃣個鐘都唔捨得走😅，攪到媽媽原先諗住去期間限定打卡區影吓相📸都冇時間，臨走玩埋鞦韆同匆匆忙忙影咗一張相，就離開了☺️
豬仔包話呢個空中樂園非常好玩，下次放假一定要再去，媽媽真係要研究一下，咩時段會少啲人先得啦🤣🤣🤣
《🌈荃灣廣場PLAY GARDEN空中樂園☁️》
📮地址：荃灣廣場5樓
⏰空中樂園開放時間：10:30 - 22:00
🎡遊樂區開放時間：10:30 - 20:00
🧹清潔時段：14:30 - 15:00
（星期六、日及公眾假期會多一節17:15 - 17:30）

🐽🐽🐽🐽🐽🐽🐽🐽🐽🐽🐽🐽🐽🐽
🌟如果喜歡我嘅分享📝，歡迎🤗大家like & follow我哋😍我會繼續分享更多玩樂地方，不要錯過啊😉
🌟你哋每一個讚好和追蹤都係我嘅動力💪🏻
豬仔包FB🔗https://www.facebook.com/豬仔包の開心日常-102172025807771/
豬仔包IG🔗 https://www.instagram.com/invites/contact/......

荃灣廣場PLAY GARDEN空中樂園重新開幕啦🎉
荃灣廣場全面升級號田L5 PLAY GARDEN空中樂園聽日9月28日起以嶄新面貌登場！佔地逾3萬呎嘅戶外公園PLAY GARDEN 空中樂園分為3大區域— 空中彩虹遊玩區🌈、雲下休閒區☁️及期間限定主題打卡區。
遊玩區嘅9項彩虹主題多元化休閒及玩樂設施必玩好玩刺激、訓練膽量嘅8米高彩虹晴空塔及4.8米高彩虹秒速滑梯、訓練平衡力嘅雲上鞦韆、訓練手腳協調嘅雲上山丘等等。
放電過後可以到PLAY GARDEN 設有嘅雲下休閒區休息回回氣😌場內更設有自助飲水機及太陽能風車同太陽能充電站👍🏼
荃灣廣場PLAY GARDEN空中樂園
地點📍：荃灣廣場5樓
時間⏰：早上10時30分至晚上10時
遊樂區開放時間：早上10時30分至晚上8時
清潔消毒時段：下午2時30分至3時