YHA西貢赤徑圓帳營豪華露營

繼上次半自助式的長洲西園露營後,
我地都好喜歡這種比較輕鬆的方式去親親大自然~~
今次再輕鬆D, 連露營帳篷都唔使起XDDD
真的~ #兩手FINGFING去露營 ~

好喜歡呢個 #圓頂帳營 🎪
好有波希米亞風~~
自己再帶左波波燈、氣球、彩帶等等,
一起同小朋友打造自己的帳篷小天地~
呢度除左圓頂帳營外,仲有宿舍房,
同最最最最重要既廚房及洗手間~~
基本上廚房見到既野都可以用, 有熱水供應,
廚具記得用完洗好放好就OK,
洗手間有熱水沖涼, 好乾淨企理👍🏻👍🏻
我地大約下午3:30到達,
登記入住好就可以放低個人行李~
周圍睇下, 跟住我地就出發去行上山XDDD
睇日落呀~~~~🌄
營地職員教我地點去 #山火暸望台
行大約30-40mins就到,
上到去風景真係超級超級靚,
不過要留意, 📵訊號唔係收得好好,
所以睇唔到google map! 要小心!
之後就返去營地準備BBQ!
建議可以係西貢買野食入去,
直接營地買炭同叉也OK~~
我地果日天氣太冷, 得幾度,
所以BBQ對住個火爐真心成個人都暖晒!
食下雞亦、墨丸、腸仔、棉花糖、爆谷,
大人飲下清酒, 睇下滿天繁星⛺, 好有氣氛!!
D星真係多到數唔晒,
幾耐無見過咁多星✨✨
晚上又可以係帳篷入便玩下UNO、啤牌,
一家人笑聲笑聲滿載溫馨咁~ 哈哈!!
(不過, 天氣太凍, 半夜去到得1-2度,
得我一個凍到訓唔到T_T
都係一個難忘回憶XDDDD)

第二日我地就簡單煮左早餐, 沖埋咖啡,
悠閒地hea下~~ ☕
就差唔多要離營了~~
但節目未完架!
呢個營地超級近「#海下灣」
海下灣區域係香港少見既保育區,
佢對出海面就係 #珊瑚群落
水質好好架, 所以夏天時有好多水上活動(獨木舟、直立板、浮潛)
我地就去左 #西貢海下遊客中心
係新起既介紹中心,
講下海下灣海岸公園的歷史同保育資訊,
仲有VR睇珊瑚添~~
再行遠D就有 #WWF海下灣海洋生物中心
可惜我地果日休館, 參加唔到佢地既活動!
遊覽完就去返海下灣既小巴站,
有車直出西貢, 好方便!
好快就完左呢兩日一夜既glamping
雖然唔係自己帶營起營,
但都比小朋友體驗到大自然既樂趣,
一花一草 滿天星星
行下山又行下海
都令人感到欣喜!
香港真係好靚架~~~!

▶ 簡介: 白沙澳營地特色之處被茂密嘅森林環繞，由旅舍沿海下路漫步約20分鐘，便是海下灣海岸公園，以紅樹林及高海洋生態價值著名。海下灣三面環山，海面平靜， 很合適進行水上活動。輕鬆體驗野外露營的樂趣，比起在郊區露營要安全得多
需成為YHA會員才可入住

▶ 營地提供
波希米亞風圓帳營(Bell Tent) 最多可以有三張吹氣床或軟墊，一共可以容納六個大人或小朋友，備有枕頭、床鋪、睡墊、小茶几外，更設有小型貯物箱、露營燈和三角小彩旗裝飾。每個營出面都有長枱和坐椅。

▶ 交通安排/ 前往方法
1）駕車到北潭涌公共停車場，然後轉的士前往（因為是禁區的關係，私家車沒有禁區紙不能駛進）
2）直接坐的士前往
3）在西貢市中心乘7 號綠Van小巴前往至海下村 [下車後經旁邊的小路入村就可以去到海下灣海岸公園。記得要留意時間離開，因為小巴尾班車在18:45至18:55就會開出。]

▶ 食物安排
自助廚房，用煮食用具齊全(火鍋爐具)提供使用
冷熱水供應，用後記得要清洗乾淨～
戶外有燒烤爐，營地提供的自費$95元的一袋碳
飯堂內部，有冷暖氣提供，有足夠桌椅。

▶特色景點
景點1：西貢海下遊客中心
以木材為主題 帶有日式庭院風格
海下遊客中心以木材為主題，旁邊的混凝土牆亦使用了近期大熱的清水木紋混凝土牆身。極有日式庭院風格。可以影相打卡外，內部亦有不少有趣的活動。提供了海下灣海岸公園的歷史和保育資訊，可透過虛擬實景 (VR) 眼鏡從影片中跟著潛水員一起探索海下灣的海下生態。

景點2：海下水上活動中心及沙灘
從海下遊客中心的閘口離開後可以往下走重新接回海下路。走到海下路的盡頭便是迴旋處，亦是綠色小巴 7 號的總站。從小巴站對面沿路走入海下村，沿途會見到數間士多出租水上活動用品 (獨木舟、直立板、浮潛用具) 供遊客出海。除租借水上用品外，士多亦會提供沖身設施和儲物櫃等等。好景士多及雲海士多，兩者都有提供水上活動用具租借
如果不打算出海遊玩，沿著海下村經海下水上活動中心方向走亦可以走到沙灘，沙灘雖然面積不大，主要是作為水上活動的上落位。但由於海下灣區域為保育區，水質清澈，有遊人在沙灘淺水區嬉戲。

這是包包的第二次露營，上一次在海邊，這次選了在林間。同樣都是拎包就可以入住的。這次因為有廚房方便很多，於是在西貢碼頭買了食材過來燒烤自己煮🔥
附近的海下灣遊客中心非常適合拍照打卡，海岸公園也有🛶獨木舟和直立板可以玩，旁邊就有士多可以儲物、沖身，還有餐飲。
這裡離黃石碼頭很近，本來打算第二天去塔門吃個海膽炒飯，但是因為天氣不好取消了行程，不過回到西貢碼頭又放晴了，於是又臨時去了另一個地方，我們下回再介紹吧～😉