【最新港人早鳥優惠優惠】珠海長隆飛船酒店最抵住宿套餐 | 早鳥優惠Book 定3月 | 4人自助晚餐套票

到第二日我哋check out飛船酒店就搭免費巴士去海洋王國。🚀🏨🚌🌊

海洋王國其實係企鵝酒店隔離，如果你住企鵝酒店，就可以經專屬通道行入去。一入園首先你會經過海洋大街，頭頂有巨大LED螢幕深海世界，打卡一流。然後我哋就去海豚灣睇海豚劇場，6隻好可愛嘅海豚喺面前游黎游去，gabi無比興奮。🐬🎭🌊


之後我哋順住路去睇世界珍稀海洋動物：海牛。被稱為美人魚原型嘅海牛，係草食性哺乳類，成年海牛身長大約3～4.5公尺、體重可達300～1,000公斤，而家面臨絕種嘅危機，所以一定要睇。🌊🐮

跟住玩全球軌道最長嘅飛行過山車：鸚鵡過山車。過山車圍住成個雨林飛翔，經過好多景點，但係佢係刺激到你未必有時間欣賞啲風景🤣🦜🎢

然後我哋就食少少嘢就趕過去，2點開始嘅白鯨劇場同埋白鯨館。白鯨以多變化嘅叫聲同埋豐富嘅臉部表情聞名，早期嘅捕鯨者稱之為「海中金絲雀」。睇咗咁多個劇場，白鯨劇場個水缸係最特別，係透明嘅，可以清楚見到佢哋喺水底嘅活動。🐳🎭🏊

睇完白鯨唔好唔記得再去隔離鯨鯊館睇埋世界最大嘅魚：鯨鯊。超大嘅觀賞區，入邊有好多種唔同嘅魚，仲有魔鬼魚，優哉游哉咁喺度游水。🦈🐋🐠

跟住我哋去企鵝館，途中我哋見到冰山過山車，感覺好刺激，我哋企喺度睇咗一陣，原來佢係全亞洲第一台水上過山車，如果大家有興趣玩，記得要買雨褸。至於企鵝館，展示咗全球最多嘅企鵝種群，每一個角落都有唔同嘅企鵝!!!!🐧🎢🏞️

海洋王國令我哋最深刻嘅係，呢度地方真係好大，同埋佢除咗提供娛樂之外，亦都提供好多唔同嘅教育比細路，有好多唔同嘅科普同埋講解，等細路喺娛樂中亦都學到新嘅知識👍🏻👍🏻👍🏻

仲有，大家記住買特快手帶，有咗手帶就可以免排隊，快速出入所有標有「EP」標誌嘅設施，好方便呀！⚡️🎟️🚀