真實的場景,真實的體驗,才是最真心的分享

美滋鍋 Beauty in The Pot

5 0 0
評分
4.1 / 5

時間
12:00 至 03:00

適合年齡: 一家大小
人均消費: $301-500
推介: 肉丸,肥牛,羊肉,日本豬肉片,水果茶

好食
5.0 / 5
好玩
3.7 / 5
抵玩
3.0 / 5
環境
4.7 / 5
本網經常更新, 請 Bookmark 以便隨時查看攻略或地址等資料

贊助商廣告

贊助商廣告

來自新加坡的夢幻粉紅主題火鍋店,餐廳更設有室內兒童遊樂場,適合一家大小。湯底集多地特色,如日式、四川麻辣及台灣藥膳等。招牌湯底-膠原蛋白養顏美容鍋,清甜養生。

寫試玩報告/評論

(登入後留言,可日後更改)

其他人的試玩報告/評論

湯底有驚喜!

4 / 5
作者:  ericalo12
享用日期: 12/09/2019
推介項目: 花雕甘榜雞,台灣新鮮鴨血,豬腦,魚子墨魚滑,美國安格斯牛小排,柚子沙冰
人均消費:  $500
好食
5 / 5
好玩
3 / 5
抵玩
3 / 5
環境
5 / 5
早排係網上見到呢間火鍋店好似好正咁,以粉紅色為主,而且仲要見到好多朋友都去左食,所以一早book定枱,同友人黎試試!接待處附近位置放有小食和飲品,令要等位的朋友可以食住少少野先!店員的服務也不錯,講解完湯底後離開前會乎躹躬,感覺很有禮貌!
這裡是用I Pad落單的,很環保而且方便,火鍋配料亦有很多不同的選擇,令到我地最後都點左唔少野食!
滋補養生香辣鍋拼膠原蛋白養顏美容鍋,香辣鍋內有人蔘,點了小辣都幾辣!膠原蛋白養顏美容鍋內的配料有豆腐、菇類外,竟然還有元貝乾,真係好有驚喜!湯底味道清甜,飲落都feel到有點黏口的感覺,飲完真係覺得自己多左好多膠原蛋白!
花雕甘榜雞(半份),雞件唔會切得太細件,唔怕食到碎骨!花雕味都幾濃,雞肉嫩滑!
台灣新鮮鴨血(半份),鴨升每份都切得幾大份,唔怕係湯裡面整爛!鴨血質地都幾滑,而且唔會太實,都好吸湯的味道!
魚子墨魚滑,墨魚滑夠彈牙,因為有魚子的關係,令口感更豐富!
國安格斯牛小排(半份),牛肉味濃,食落都幾juicy,好有質感!

超可愛充滿著少女心的高質人氣火鍋店

4 / 5
作者:  keithkkku
享用日期: 11/08/2019
推介項目: 鴨血,黑毛肚,肉丸
人均消費:  $375
好食
5 / 5
好玩
4 / 5
抵玩
3 / 5
環境
4 / 5
打邊爐向來是港人至愛的菜式之一,無論是日頭晚夜、一個人一人邊爐又或一班人衆樂樂,火鍋都會是其中一個選擇。最近新加坡過江龍樂天餐飲集團亦開始進軍火鍋界,在旺角開設了一所少女風美顏火鍋店,以一身夢幻粉紅色的裝潢配上美顏滋補的濃郁湯底,務求能俘虜一衆年青火鍋控。

店子座落於旺角家樂坊,佔地超過6,000呎,入口處放著一隻超巨型的粉紅色啤啤熊,玩味十足,未入去已先興奮,打卡一流。店外輪候者衆,候位區設有長櫈供客人安坐輪候,而且還有飲品及小吃供客人享用,實在貼心週到。
首先是招牌膠原蛋白養顏美容鍋,以瑤柱、雞肉、豬骨和豬腳等熬製上8小時而成,用料十足,奶白的湯汁入口濃醇鮮甜帶膠質,感覺滋潤養顏,難怪店員極力推薦先喝湯才開始打邊爐。

長生抗癌松茸野菌鍋,松茸菇菌的香味十分突出,遠遠也能感受得到,湯內放了很多不同的菇類,松茸、牛肝菌、舞茸菇、雞脾菇、本菇和蟲草花均見蹤影,味道清甜濃香,細膩輕盈,保健之選。

滋補養生香辣鍋,以豬骨湯為湯頭,加入了多種藥材包括人參、當歸、黨參、紅棗和枸杞等,再配上不同的香料辣椒,香辛麻辣中滲出淡淡藥材香,惹味刺激而不濃烈,據講就算直接飲用也不會燥熱傷脾胃,喝上兩啖即時感覺有點滾燙起來,十分過癮。湯底也可選擇幾種的辣度以配合不同客人的口味。

養生藥膳醉雞鍋,清澈的雞湯裡加入了不同的藥材和雞件,料頭多樣,雞件嫩滑,有得食有得飲,入口鮮甜帶著淡淡酒香藥香,滋補養生。

除了以上四款鍋底外,其他還有清涼解熱雪耳鮮椰子鍋和維他命C蕃茄玉米鍋,也是經多個小時熬製而成的,款款都十分足料高質。
美國安格斯牛小排,色澤粉嫩油花平均,放湯輕灼幾秒,肉質鮮嫩軟滑,牛味濃富脂香
嫩肩小羔羊肉,肥瘦比例剛好,肉質鬆軟嫰滑,羶味不強,蘸上醬料更添惹味。
黑毛肚裁得大大片,切去了那較韌的部份,爽口帶脆,放麻辣湯配搭一流。
軟骨爽肉丸,豬肉丸肉混有軟骨,咬落肉香爽彈帶點點Q脆,口感豐富趣緻。
店內還設有「寶寶樂園」,供3至7歲的小朋友玩樂,衛生設備周全,父母亦可一邊安坐打邊爐,一邊透過手機直播知悉小朋友的情況,大人食很開心,小朋友亦玩得高興,實在設想周到,如此高質的出品與服務,難怪剛到港短短時日便已成為了人氣食店,也真的值得大家去朝聖一下。

贊助商廣告
湯底都係用上滋補藥材製作

沒有打分
作者:  林公子alex lam
享用日期: 29/05/2019
好玩
沒有打分
抵玩
沒有打分
環境
沒有打分
樂天皇朝 集團旗下餐廳
粉紅主題佈置,更設有室內兒童遊樂場,大人可以用電話睇LIVE實況,留意到小朋友既動態
強大既自助調味吧,多達接近20款醬油料調配
香港首間分店
主打膠原蛋白養顏美容鍋
用上元貝雞肉豬骨豬腳熬成
滋補養生辣鍋
湯底都係用上滋補藥材製作
就算食完都唔會覺得好燥熱
香辣鍋中加添了多款藥材,搭以辣香,香濃之中散發淡淡藥材香,可直接品嚐

全間店嘅主題顏色都係用粉紅色
走 年輕時尚 風格
除了特色湯外有多款新鮮食材選擇
新鮮醉海蝦 a4和牛切片,牛小排等
西班牙黑豚五花肉,羊肉片,自家製魚豆腐
特色軟骨爽肉丸 芝士墨魚丸
魚籽蝦滑,新鮮炸響鈴等食材選擇
鱆紅活魚刺身,肉鮮有彈性
新鮮醉海蝦,更有專人代勞拆殼起肉
飲品方面有洛神花茶,水果茶,竹蔗水
洛神花酸甜解渴,竹蔗水清心下火,水果茶解油膩
下單用IPAD點菜
旺角登打士街家樂坊八樓 803室
五月底開始試業 6月正式開幕
打卡分享有禮送,半份芝士墨丸
另外有生日優惠,詳情同店員查詢
打邊爐都可以好夢幻?湯底食材重處處有驚喜!

5 / 5
作者:  使徒
享用日期: 13/01/2020
好食
5 / 5
好玩
沒有打分
抵玩
沒有打分
環境
沒有打分
【美滋鍋】地址:旺角登打士街56號家樂坊8樓803號舖

營業時間:星期一至日 12:00 - 03:00

電話:31628238
非一般火鍋!超高質湯底食材

4.7 / 5
作者:  初初
享用日期: 29/07/2019
好食
5 / 5
好玩
4 / 5
抵玩
沒有打分
環境
5 / 5
#新加坡人氣美顏火鍋✨#美滋鍋✨

非一般火鍋‼️ #超高質湯底🤤食材🤤
超級好食🤤連湯底都可以飲!牛肉超新鮮,入口溶化!仲有個細細遊戲室,呀仔食完可以去玩,大人可以繼續享受美食!老公同我都話要再encore嘅火鍋店呀👍🏻

有六種唔同養身湯底選擇🥰
每枱可以揀兩款或四款湯底,一次過品嚐唔同口味🤩記得嚟到先品嚐個湯底,再開始打邊爐啊!

✨膠原蛋白養顏美容鍋
🌶滋補養生香辣鍋(豬骨湯)
🐥養生藥膳醉雞鍋
🥥清涼解熱雪耳椰子鍋
🍄長生松茸野菌鍋
🍅維他命C蕃茄栗米鍋

🤤我哋揀咗 #膠原蛋白養顏美容鍋 同 #維他命C蕃茄栗米鍋!
膠原蛋白湯,每啖都飲到豐富膠質,湯底以瑤柱、雞肉、雞腳、豬骨及豬手等含豐富骨膠原食材熬製!超好飲!每日新鮮熬製,唔係味精湯嚟㗎!另外蕃茄粟米湯底,超濃郁蕃茄味~酸酸地好好飲,營養豐富!小朋友都鍾意食!

食材方面,所有肉丸,滑類同餃子都係手工製作!新鮮好味~仲有肉類、海鮮、蔬菜同麵飯等⋯好多選擇,大人小朋友都啱食!
調味料同醬汁超過20款選擇!推介 #菌皇醬 、沙茶醬、炸蒜蓉⋯仲可以升級食埋蘸料同新鮮香甜水果😋

推介‼️
✨#美國安格斯牛小排,肉質新鮮嫩滑,新鮮牛肉味!入口溶化!
✨#嫩肩小羔羊肉,有羊味但係一啲都唔羶!
✨#炸響鈴,完全唔油膩,又脆又香!
✨#魚皮餃,新鮮手工製作,彈牙好食!
✨拉麵,爽口彈牙!用蕃茄湯底煮,好好食!
✨皇帝菜,好新鮮!
最後仲有飯後甜品😍係 #柚子沙冰🍧非常特別~超清爽好飲!

🎉分享照片到社交平台,送芝士墨魚丸優惠至31/7!

🎪遊戲室比較適合3至7歲小朋友,掃描電子餐牌嘅二維碼,就可以係閉路電視睇住小朋友喺遊戲室嘅情況!大人安心用餐!

🎁宵夜火鍋時段營業至淩晨三時,晚上十時後入座的食客更可享用八折優惠!

✨美滋鍋 Beauty in The Pot✨
地址︰旺角登打士街56號家樂坊8樓803室
電話︰(852) 3162 8238
營業時間:每日中午12時至9凌晨3時正(最後下單時間:凌晨2時)
遊戲室比較適合3至7歲小朋友,掃描電子餐牌嘅二維碼,就可以係閉路電視睇住小朋友喺遊戲室嘅情況!大人安心用餐!
贊助商廣告