Easy Play (已結業)

場地位於石門港鐵站旁的京瑞廣場二期。值得一讚的是場內有私家育嬰室, 方便帶著嬰幼兒的家庭。而且育嬰室好大, 走非常夢幻舒適的風格。

早前帶了Ceebee去位於沙田石門 京瑞廣場2期的「Play Easy 輕鬆玩」室內兒童遊樂場~ 場內設施都算多元化~有點像台灣的室內遊樂場~ 而 這裡有一個全港獨有的創意沙池~ 他們用的不是沙而是種子 , 感覺冰冰涼涼~ 都幾特別~ 但就要再另外收費~

美觀度�good
色彩繽紛，冒險樂園嘅感覺。小朋友見到會好開心

人流管制�冇
唔洗book，全walk in，亦唔見佢會截人。好多大人上晒波波池上邊嗰個架，我有5.5級地震嘅感覺，感覺唔係幾穩陣。

工作人員�少
全部去晒門口忙住搞會員入會，三個收費活動區有工作人員，其實係三尊坐著的佛。

設施�好壞參半
千秋有特式，但除非前後嘅小朋友都好斯文否則一定互撞。

Fishing pool 有12個位，但只得3支魚釣可玩，亦冇工作人員計時，遇著自私家長霸住俾自己小朋友玩足20分鐘都唔願意讓，其他小朋友只得白白浪費時間排隊。

波波池、沙池、彈床佔三分二面積，如不每項加$35(會員$20)入場根本冇乜野玩。
波波池係好玩嘅，slide 都有3-4個，但每項加錢仲要限時，呢樣野同佢貼住咩設施幫助小朋友發展乜乜乜根本自雙矛盾。如果小朋友跳幾下彈床就走去玩波波池，咁就兩邊都要收錢，仲要岀去後重入再重新計錢，不足一分鐘亦按整個時段收費。咁只會令家長要求小朋友繼續玩到夠鐘為止，完全唔係有小朋友主導想玩乜就去玩乜，咁仲有乜發展可言？

空間不夠，即使唔多人，佢嘅馬路仔都只可單線行車，有一兩個家長係隔離陪玩緊，馬路就此被封了，有車都玩唔到。

價錢�
咁樣計法，即使平日都要$150一位小朋友，兩個小朋友$300，仲要只得一個鐘，真係貴得有點離譜，其他地方$3xx都起碼2-3 hours，有啲仲有野食。
而且時間冇人提示，要自己計住，所以見到好多家長好狼貝咁鞋都未著好就要仆岀梨，否則遲一分鐘，又會計多一個鐘。